HNN: Bangiga dhexe ee Australia ayaa kordhiyay heerka dulsaarka iyadoo ka digaysa khataraha sicir-bararka oo ka dhashay colaadda u dhexeysa United States iyo Israel ee ka taagan Iran.
Guddiga bangiga dhexe ee Reserve Bank of Australia (RBA) ayaa cod ku ansixiyay in heerka dulsaarka aasaasiga ah la kordhiyo 25 dhibcood oo saldhig ah, isaga oo ka soo kacay 3.85 boqolkiiba kuna gaaray 4.1 boqolkiiba, heer ugu sarreeya 10 bilood, isla markaana ka noqotay laba ka mid ah saddexda hoos u dhigis ee ay sameeyeen sanadkii hore.
Go’aankan ayaa billow u ah toddobaad muhiim u ah bangiyada dhexe ee waaweyn, iyadoo colaadda Bariga Dhexe ay kordhisay qiimaha shidaalka, taasoo halis ku ah in sicir-bararka caalamiga ah dib u kaco. Bangiga RBA ayaa sheegay in “khilaafka Bariga Dhexe uu keenay koror weyn oo ku yimid qiimaha shidaalka, kaasoo haddii uu sii socdo uu kordhin doono sicir-bararka.”
Bangigu wuxuu intaa ku daray in guddigu qiyaasay in sicir-bararku uu weli ka sarreyn doono bartilmaameedka muddo, isla markaana khataraha korodhka sicir-bararka ay sii kordheen, oo ay ku jiraan rajada sicir-bararka mustaqbalka.
Tallaabadan ayaa muujinaysa sida bangiga dhexe ee Australia uu uga feejigan yahay saameynta colaadda caalamiga ah ee ka dhalan karta kororka qiimaha shidaalka iyo culeyska ku yimaada dhaqaalaha gudaha.
Heemaal News Network