Ra’iisul Wasaaraha United Kingdom, Keir Starmer, ayaa ku sheegay bayaan muuqaal ah in UK aysan ka qayb qaadan doonin weerarradan, balse ay sii wadi doonto tallaabooyinkeeda difaaca ee gobolka.
“Waxaan rabaa inaan si cad u sheego dhammaanteen waxaan xusuusannaa khaladaadkii Iraq, waxaanan ka barannay casharradaas. Annagu ma aanan ku lug lahayn weerarradii hore ee Iran… mana ka qayb qaadan doonno tallaabooyin weerar ah hadda,” ayuu yiri.
Si kastaba ha ahaatee, wuxuu sheegay in Iran ay “raadinayso istaraatiijiyad burburka dhulka,” sidaas darteed UK waxay “taageereysaa is-difaaca wadajirka ah ee saaxiibada iyo dadkeena ku sugan gobolka.”
Starmer wuxuu ku tilmaamay inay tani tahay “habka ugu wanaagsan ee looga hortagi karo khatarta degdegga ah… isla markaana looga hortago in xaaladdu sii xumaato.”