Maraykanka Oo Xaqiijiyay In Iran Jabsatay Email-ka gaarka ah ee Agaasimaha FBI-ga.

Sarkaal ka tirsan Wasaaradda Cadaaladda Mareykanka ayaa u xaqiijiyay wakaaladda wararka ee Reuters in jabsadayaal lala xiriirinayo Iran ay u suurtagashay inay galaan email-ka gaarka ah ee Agaasimaha FBI-ga, Kash Patel, isla markaana ay si fagaare ah u baahiyeen sawirro iyo dukumeenti ay ku jiraan CV-giisa.

Warbixinta ayaa sheegaysa in xogta la faafiyay ay u muuqato mid dhab ah, iyadoo arrintan ay sare u qaadday walaaca laga qabo amniga xogta ee mas’uuliyiinta sare ee dowladda Mareykanka.

Kooxdan oo la rumeysan yahay inay xiriir la leedahay Iran, ayaa sidoo kale hore u sheegatay weerarro kale oo dhanka internetka ah, taasoo muujinaysa kororka khataraha dagaalka cyber-ka ee caalamiga ah.