Warbixin ay baahisay NBC News ayaa sheegaysa in madaxweynaha Mareykanka Donald Trump uu helo muuqaallo gaagaaban oo maalinle ah, kuwaas oo muujinaya duqeymaha guuleysta ee Mareykanka ka fuliyay Iran.
Warbixinta ayaa tilmaamaysa in muuqaalladan oo qaab kooban (qiyaastii 2 daqiiqo) loo diyaariyo ay yihiin qeyb ka mid ah warbixinada sirdoon ee loo gudbiyo madaxweynaha.
Saraakiil ka tirsan dowladda Mareykanka ayaa walaac ka muujiyay in habkan uu sababi karo in Trump uusan helin sawirka dhameystiran ee dagaalka, gaar ahaan dhinacyada fashilka ama caqabadaha jira, taasoo saameyn ku yeelan karta go’aan qaadashadiisa.