Maraykanka ayaa oggolaaday iib degdeg ah oo hub ah oo loo diro Israel, iyadoo qiimaha heshiiska lagu qiyaasay ku dhowaad $151.8 milyan. Go’aankan ayaa yimid xilli ay sii kordhayaan xiisadaha milatari ee Bariga Dhexe, gaar ahaan dagaalka u dhexeeya Israel iyo Iran.
Hubka la ansixiyay waxaa ku jira kumannaan bambooyin cirka laga tuuro oo miisaankoodu gaarayo qiyaastii 1,000 rodol (qiyaastii 450 kg) midkiiba. Qalabkan militari waxaa loogu talagalay in lagu xoojiyo awoodda ciidamada Israa’iil si ay uga jawaabaan weerarrada iyo khataraha ay sheegeen inay ka imaanayaan Iran iyo kooxaha ay taageerto ee gobolka.
Go’aanka degdegga ah waxaa la adeegsaday iyadoo la isticmaalayo awood gaar ah oo dowladda Mareykanka u oggolaanaysa inay dedejiso iibka hubka marka xaalad amni oo degdeg ahi jirto, taas oo mararka qaar ka dhigan in la soo gaabiyo habraacyada caadiga ah ee dib u eegista ee Kongareeska. Tallaabadan ayaa muujinaysa taageerada militari ee joogtada ah ee uu Maraykanu siiyo Israel.
Dhanka kale wadamadii xulafad Maraykanka ahaa ee wadamada Khaliijka ayaa cidlo ku soo dhacay, iyaga oo kula jira Marakanka heshiisyo difaac iyo amni oo ay ku bixiyaan balaayiin dollar, ayaa hadda gacmo madhan oo aan haysan hub iyo kaalmo midna.
Arrintan waxay dhacaysaa iyadoo dagaalka u dhexeeya Israel iyo Iran uu sii xoogeysanayo, islamarkaana ay jiraan weerarro gantaallo iyo duqeymo is-dhaafsi ah oo ka dhacaya gobolka, taas oo kordhisay cabsi laga qabo in colaaddan ay ku fido dalal kale oo Bariga Dhexe ah.