Xisbullah ayaa maanta iska fogeeyay wax ay ugu yeereen eedaymo la dhoo-dhobay,ka dib markii mas’uuliyiinta Imaaraadka Carabta ay ku dhawaaqeen inay fashiliyeen “shabakad argagixiso” oo xiriir la leh kooxdaasi ay taageerto Iiraan, iyadoo la xiray ugu yaraan shan xubnood oo ka tirsan kooxdaas.
Tani waa markii saddexaad muddo toddobaad gudihiis ah oo Xisbullah ay iska-fogayso inay wax xiriir ah la leedahay shabakado lagu xirxiray dalalka Khaliijka, oo ay ku jirto dalka Kuwayt, kaas oo ku dhawaaqay xarigga 26 qof oo toddobaadkan lala xiriiriyay xisbiga.
Ururka ayaa bayaan uu soo saaray ku xaqiijiyay in “uusan wax joogitaan ah ku lahayn gudaha Imaaraadka Carabta ama dalalka kale, hadday ahaan lahayd magac kale, magac ganacsi, ama si kasta oo kale.”
Wakaaladda wararka rasmiga ah ee Imaaraadka ee WAM ayaa soo xigatay Adeegga Amniga Qaranka ee Imaaraadka horraantii Jimcihii, iyagoo sheegay in shabakadu ay “isku dayday inay dhex gasho dhaqaalaha qaranka oo ay fuliso qorsheyaal khatar gelinaya xasilloonida maaliyadeed ee dalka,” taas oo qayb ka ah “qorshe hore loo soo agaasimay oo lala xiriirinayo dhinacyo dibadda ah oo xiriir la leh Xisbullah iyo Iiraan
BBC