Madaxweynaha Maraykanka Donald Trump ayaa sheegay in uu si degdeg ah u soo rogay canshuur ciqaabeed (tariff) oo dhan 25% ah dhammaan badeecadaha ka imanaya dal kasta oo ganacsi la sameeya Iiraan.
Canshuurtaas ayaa lagu dhawaaqay Isniintii barta Truth Social, iyadoo fariinta ay ahayd mid kooban balse si cad u qoran:
“Laga bilaabo hadda isla markiiba, dal kasta oo ganacsi la sameeya Jamhuuriyadda Islaamiga ah ee Iiraan waxa lagu soo rogi doonaa canshuur dhan 25% dhammaan ganacsiga uu la leeyahay Maraykanka. Amarkan waa kama dambays oo lama beddeli karo. Waad ku mahadsan tihiin sida aad arrintan uga feejigan tihiin!”
Trump ayaa hadallo adag ku hanjabay in uu isticmaalayo awood ciidan si uu uga hortago xukunka Iiraan, taasoo ku xiran sida ay dowladdu uga falceliso mudaaharaadyada ballaaran ee dalka ka socda.
Tirada dadka ku dhintay rabshadaha ayaa si weyn u korortay 24-kii saac ee u dambeeyay, halka xannibaad ballaaran oo internetka ah ay adkaysay in xog iyo warar laga helo gudaha dalka.
Iiraan waxa saaran cunaqabatayn adag oo caalami ah oo si weyn u xaddidaysa ganacsigeeda caalamiga ah. Sida ay sheegtay Bloomberg, ka hor duullaankii Ruushku ku qaaday Ukraine, Iiraan waxay ahayd dalka ugu cunaqabataynta badan dunida.
Have any thoughts?
Share your reaction or leave a quick response — we’d love to hear what you think!
-
0
-
0
-
0
-
0
-
0
-
0