Kadib dhaleeceyn xooggan oo la xiriirta sameynta sawirro galmo ku saleysan oo dumarka iyo carruurta ah, shirkadda X ee uu leeyahay Elon Musk ayaa sameyneysa isbeddello lagu joojinayo in qalabka AI-ga ah ee Grok uu ka dhigo ama ka beddelo sawirrada dadka dhabta ah si qaawan.
Grok ayaa dunida oo dhan loogu dhaliilay isticmaalka garaadka macmalka ah si uu u abuuro sawirro si galmo ah loo qaabeeyey.
– Waxaan hirgelinnay tallaabooyin farsamo oo ka hortagaya in Grok uu oggolaado tafatirka sawirrada dadka dhabta ah iyadoo lagu muujinayo dhar kashifaad ah sida bikiniga. Xayiraaddan waxay quseysaa dhammaan isticmaaleyaasha, oo ay ku jiraan kuwa bixiya lacagta rukhsadda, ayuu yiri kooxda amniga ee X bayaan ay soo saareen.
Toddobaadkii hore, shirkaddu waxay go’aamisay in awoodda Grok ee abuurista sawirrada lagu koobayo macaamiisha lacagta bixisa, balse hadda xayiraaddan waxay khuseysaa dhammaan isticmaaleyaasha.
Dhowr dal oo Yurub ah ayaa ka mid ah kuwa dhaliilay Grok. Boqortooyada Midowday (UK) ayaa sheegtay inay mamnuuci doonto sameynta sawirro galmo ku saleysan oo la sameeyo oggolaansho la’aan. Malaysia iyo Indonesia ayaa si ku-meel-gaar ah u xannibay helitaanka Grok.