47
Dacwad-oogayaasha Liibiya ayaa sheegay inay baarayaan dilka Saif al-Islam Qaddafi, wiilka hoggaamiyihii dalkaasi ee muddada dheer, Kolonel Mucammar Qaddafi.
53-jirka, oo mar loo arkayay inuu yahay dhaxal-sugaha aabihiis, ayaa la dilay intii lagu jiray “isku dhac toos ah” oo lala galay afar nin hubeysan oo aan la aqoon kuwaas oo gurigiisa magaalada Zintan galay, sida lagu sheegay bayaan kasoo baxay xafiiskiisa.
“Dhimashada dhibanaha waxay ka dhalatay dhaawacyo ka soo gaaray rasaas,” ayay dacwad-oogayaasha Liibiya ku sheegeen Arbacadii, iyaga oo intaa ku daray in dadaallo lagu ogaanayo aqoonsiga ragga hubeysan ay socdaan.
Dhacdo kale ayaa walaashiis ay idaacadda Liibiya u sheegtay inuu ku dhintay meel u dhow xadka dalka la leh Aljeeriya.