Tehran iyo magaalooyin kale – Dad aad u tiro badan ayaa maanta dibadbaxyo nabadeed ku maray caasimadda Tehran iyo magaalooyin kale oo Iiraan ka tirsan, kuwaas oo la sheegay inay yihiin mudaharaadkii ugu weynaa ee ka dhaca dalka tan iyo sannado badan. Muuqaallo ay xaqiijisay BBC Persian ayaa muujinaya dadweynaha oo wadooyinka buux dhaafiyay, iyagoo cod dheer ku dalbanaya in xilka laga tuuro Hoggaamiyaha Sare ee Iiraan, Ayatollah Ali Khamenei, isla markaana dib loo soo celiyo Reza Pahlavi.
Banaanbaxyada ayaa ka dhacay fiidkii Khamiista, gaar ahaan Tehran iyo magaalada labaad ee Mashhad, waxaana xusid mudan in ciidamada ammaanku aysan kala dirin dadka mudaharaadaya. Si kastaba ha ahaatee, koox kormeeraysa internet-ka, Netblocks, ayaa sheegtay in dalka oo dhan uu ka jiro xaalad internet la’aan guud ah, taas oo xaddidaysa xiriirka iyo warbaahinta gudaha.
Madaxda sare ee Iiraan ayaa dibad baxayaasha ku eedeeyay inay yihiin “kuwa farxad galinaya Donald Trump,” xilli uu madaxweyne hore ee Mareykanka, Donald Trump, ku hanjabay in Mareykanku uu si xooggan u weerari doono Iiraan haddii ay jiraan wax khasaare ah oo ka yimaada mudaharaadayaasha.
Banaanbaxyadan ayaa ka dhashay kacdoon ballaaran oo ka dhashay qalalaase dhaqaale, sicir barar, iyo hoos u dhac ku yimid heerka nololeed ee dalka, kuwaas oo dadka ku qasbay inay wadooyinka soo baxaan. Habeennadii hore ayaa meelo ka mid ah dalka ka dhacay iska horimaadyo rabshado wata oo u dhexeeyay mudaharaadayaasha iyo ciidamada ammaanka, taas oo muujinaysa xasillooni-darro sii xoogeysanaysa.
Iiraan waxay hadda wajahaysaa habeenkeedii 12-aad oo mudaharaadyo ka socda magaalooyin waaweyn, iyadoo boqolaal kun oo qof ay ka qeyb qaadanayaan dibadbaxyadan, kuwaas oo noqday kuwo taariikhi ah oo u dhigma rabshadaha ugu waaweyn ee dalka ka dhacay muddo sannado ah.
Have any thoughts?
Share your reaction or leave a quick response — we’d love to hear what you think!
-
0
-
0
-
0
-
0
-
0
-
0