Intii lagu jiray dabbaaldeggyada Christmas-ka, dalka Jarmalka waxaa ka dhacay dhacii ugu weynaa ee bangi abid soo mara taariikhda dalkaas. Koox burcad ah ayaa weerar aad u qorsheysan ku qaaday bangi ku yaalla magaalada Gelsenkirchen, iyagoo adeegsaday farsamo filimada laga arki jiray oo kale. Waxay tunnel weyn ka soo qodeen garaash baabuurta la dhigto oo ku ag yaalla bangiga, kaas oo si toos ah ugu geeyay qasnadda lacagta ee dhulka hoostiisa ku taal iyadoo aan la dareemin.
Burcadda ayaa ku guuleystay inay la baxsadaan lacag dhan 30 milyan oo Yuuro, taas oo falkan ka dhigaysa mid naxdin iyo layaab ku noqday hay’adaha ammaanka ee Jarmalka. Booliska ayaa sheegay in burcaddu ay si farsamaysan u jabsadeen qasnadda iyadoo dadku ay ku mashquulsanaayeen dabaaldeggyada, ilaa haddana ma jirto cid gacanta lagu soo dhigay. Dhacdan ayaa hadal hayn weyn ka dhalisay baraha bulshada, iyadoo dad badan ay su’aal ka keenayaan sida ay ku suurtagashay in tunnel intaas le’eg la qodo iyadoo aan la maqal.
Have any thoughts?
Share your reaction or leave a quick response — we’d love to hear what you think!
-
0
-
0
-
0
-
0
-
0
-
0