Ciidanka Booliska Oo Gacanta ku Dhigay Saddex Eedaysane Oo loo Haysto Fal Dil ah Oo Muqdisho ka Dhacay

Ciidanka Booliska Soomaaliyeed, gaar ahaan Saldhigga Degmada Kaaran, ayaa gacanta ku dhigay saddex eedaysane oo loo haysto fal dil ah oo ay u adeegsadeen toorey, kaas oo ka dhacay gudaha Degmada Kaaraan ee magaalada Muqdisho.

Saddexda eedaysane ayaa xalay dil u geystay wiil dhalinyaro ahaa oo lagu magacaabi jiray Marxuum Shaafi Guuleed Yuusuf.

Eedaysanayaasha ayaa hadda ku jira gacanta Ciidanka Booliska, waxaana loo gudbin doonaa Maxkamadda awoodda u leh, si sharciga loogu waafajiyo .

DHAMMAAD