Mutadawiciin u dhashay dalka Czech ayaa hadda bilaabay inay Ukraine u soo saaraan nuqullo laga minguuriyay diyaaradaha aan duuliyaha lahayn ee Ruushka ee loo isticmaalo dagaalka.
Kooxdan oo lagu magacaabo Spark, ayaa soo saartay nuqul lamid ah diyaaradda Ruushka ee lagu hago xarigga fiber-optic-ga ee loo yaqaan Knyaz Vandal Novgorodsky, waxayna nuqulkooda u bixiyeen “Jan Žižka.” Diyaaraddan ayaa ku shaqaysa xarig dheer oo gaaraya 25 kiiloomitir.
Wararku waxay sheegayaan in in ka badan 200 oo xabo mar hore la soo saaray, iyadoo hadda la hayo dhaqaalihii lagu dhisi lahaa 500 oo kale.
Maxay kaga duwan tahay Drones-ka kale?
Ma aha mid la khal-khal-gelin karo (Unjammable): Sababta loo isticmaalayo xarigga Fiber-optic ayaa ah in diyaaradda aan lagu joojin karin qalabka lagu carqaladeeyo raadiyaha (Electronic Warfare), maadaama macluumaadka iyo amarradu ay dhex marayaan xarigga, ee aanay hawada marin.
Muuqaal Waadax-ah: Xariggu wuxuu u oggolaanayaa duuliyaha inuu helo muuqaal aad u tayo sarreeya (HD) ilaa ilbirisigga ugu dambeeya ee ay diyaaraddu ku qaraxdo bartilmaameedka.
Magaca “Jan Žižka”: Waxaa loogu magac daray geesi caan ah oo u dhashay dalka Czech kaas oo taariikhda lagu yaqaanay inuu ahaa nin aan waligii dagaal lagaga guulaysan.
