Deegaanka Biyo Dhaafheer, oo hoostaga Degmada Lughaya, ayaa waxaa ka socda dagaal culus oo saacado qaatay, halkaas oo uu si toos ah uga socdo duleedka deegaanka. Wararka ugu dambeeyay ayaa sheegaya in dagaalka uu sababay khasaare xooggan, inkastoo tirada rasmiga ah ee waxyeeladu ay weli lama xaqiijin.
Ilo deegaanka ku sugan ayaa sheegaya in labada maleeshiyaad ee dagaalamaya ay horey uga soo kala jeedeen khilaafyo siyaasadeed iyo dhaqaale, isla markaana dagaalkan uu yahay mid ka dhashay xiisadihii ugu dambeeyay ee gobolka.
Sidoo kale, Ilaa hadda, ma jiraan wax dadaal ah oo lagu kala dhex galay labada maleeshiyaad, taasoo ka dhigaysa in xaaladda ay tahay mid aad u kacsan oo aan la saadaalin karin in dhowaan la xakameyn karo.
Saraakiisha deegaanka iyo Waxgaradka deegaanka ayaa ka digaya in dagaalku uu sii ballaarin karo haddii aan xal degdeg ah laga gaarin, iyaga oo ku baaqay in dhinacyada khilaafsan ay gacan isku soo qabtaan si looga fogaado dhibaatooyin ka sii daran oo soo foodsaaran bulshada deegaanka.
Warbixin dheeraad ah ayaa la filayaa saacadaha soo socda, iyadoo xaaladda weli ay tahay mid xiiso leh oo u baahan in si dhow loola socdo horumarka dagaalka iyo dadaallada nabad-dhisidda ee laga yaabo in lagu bilaabo gobolka.
Lasoco wixii soo kordha.