Madaxweyne ku-xigeenka Somaliland Oo Hoygiisa Borama ku Booqday Ugaaska Guud ee Beelaha Gadabuursi

Madaxweyne ku-xigeenka Somaliland Mudane Maxamed Cali Aw Cabdi ayaa maanta gallinkii dambe hoygiisa magaalada Borama ku booqday Ugaaska Guud ee Beelaha Gadabuursi, Ugaas Cabdirashid Ugaas Rooble Ugaas Doodi.

Madaxweyne ku-xigeenka waxa booqashadiisa ku wehelinayey Wasiir ku-xigeenka Beeraha, Agaasimaha Guud ee Duulista Hawada iyo horumarinta Madaarada iyo Badhasaabka Gobolka Awdal.

Ugaas Cabdirashid Ugaas Rooble Ugaas Doodi ayaa Madaxweyne ku-xigeenka JSL uga mahad naqay booqashada uu ugu yimid, isaga oo ugu duceeyey in uu Allah SWT xilka ku asturo.

Madaxweyne ku-xigeenka JSL Mudane Maxamed Cali Aw Cabdi ayaa si mug leh ugu mahad celiyey Ugaas Cabdirashid Ugaas Rooble Ugaas Doodi.