Ra’iisul Wasaaraha Israa’iil Benjamin Netanyahu ayaa maanta jimce ah inuusan aflagaadeyn Ciise Masiixi, ka dib markii uu soo xigtay taariikhyahan u dhashay dalka Mareykanka oo yiri ” Nebi Ciise CS kama sarreeyo Genghis Khan.”
Duufaan muran ah ayaa dhalatay ka dib markii la baahiyay cod laga duubay Netanyahu oo ka jawaabayay su’aal weriye weydiiyay oo ku saabsanayd weerar lagu qaaday xarumaha gaaska ee Iiraan iyo xasilloonida nidaamka ka jira dalkaas. Jawaabtiisa, Netanyahu wuxuu kaga hadlay baahida loo qabo awood ciidan.
Wuxuu soo xigtay qoraaga Will Durant: “ Nebi Ciise CS kama wanaagsana Genghis Khan, sababtoo ah haddii aad ku filan tahay xoog, naxariis-darro, iyo awood, markaas xumaantu waxay ka adkaan doontaa wanaagga.”
Warbaahinta Israa’iil ayaa sheegtay in Netanyahu uu saaka daabacay caddeyn ku saabsan hadalladiisii, isagoo yiri: “Warar been abuur ah oo dheeraad ah oo ku saabsan mowqifkayga ee ku aaddan Masiixiyiinta, kuwaas oo ku raaxaysta ilaalin iyo barwaaqo gudaha Israa’iil. Waxaan caddeynayaa: Anigu ma aflagaadeyn Nebi Ciise CS shirkii jaraa’id ee xalay. Taas beddelkeeda, waxaan soo xigtay taariikhyahanka weyn ee Maraykanka, Will Durant.”