Chelsea ayaa barbaro 1-1 ah la gashay Burnley galabnimadii Sabtida, iyadoo Blues oo 10 ciyaaryahan ah laga dhaliyay goolka barbaraha daqiiqaddii 93-aad ee Stamford Bridge. Kooxda uu hoggaamiyo Liam Rosenior ayaa dib ugu laabatay afarta sare ee Premier League iyagoo kaga hormaray Manchester United farqiga goolasha, balse waxay dareemi doonaan inay lumiyeen fursad ay kaga sii hormaraan tartanka u soo bixidda Champions League.
Chelsea ayaa hoggaanka qabatay afar daqiiqo gudaheed. Moises Caicedo ayaa baas qurux badan u dhiibay Pedro Neto, kaasoo kubbad hoose u dhigay Joao Pedro si uu u dhaafiyo xariiqda goolka.
Dhammaadka qeybta hore, Cole Palmer ayaa ka xaday kubadda Kyle Walker balse darbo hoose ayaa uu qabtay goolhaye Martin Dubravka.
20 daqiiqo kahor dhammaadka ciyaarta, Wesley Fofana ayaa la siiyay kaarkiisii labaad ee jaalaha ahaa kadib qalad uu ku galay James Ward-Prowse, taasoo keentay casaankii siddeedaad ee Chelsea xilli ciyaareedkan.
Daqiiqaddii saddexaad ee waqtiga dheeraadka ah, Ward-Prowse ayaa kubbad gees ah u dhigay Zian Flemming oo madaxa ku hubsaday shabaqa, isagoo dhaafiyay Robert Sanchez.
Waxaa weli jiray fursad kale markii Jacob Bruun Larsen uu si xor ah uga booday kubbad kale oo Ward-Prowse soo tuuray, balse madaxiisa ayaa wax yar ka sare maray goolka.
Goolhaye & Difaac
Robert Sanchez (6/10):
Waxaa laga tijaabiyay meel fog, balse wax halis ah kama imaan ciyaar furan. Waxba kama qaban karin goolka barbaraha.
Reece James (6/10):
Si firfircoon ayuu uga shaqeeyay garabka midig. Waxaa lagu beddelay Josh Acheampong daqiiqadihii ugu dambeeyay.
Wesley Fofana (2/10):
Kaarka jaalaha ah ee nacasnimada ah kadib qalad uu ku galay Hannibal Mejbri, ka dibna casaankii qalad kale. Ward Prowse Aad u liita.
Trevoh Chalobah (6/10):
Ciyaar deggan oo wanaagsan, baasas dhaadheer iyo difaac adag.
Malo Gusto (6/10):
Si tartiib ah ayuu u fiicnaaday ciyaarta. Waxaa lagu beddelay Jorrel Hato.
Khadka Dhexe
Moises Caicedo (6/10):
Door muhiim ah ayuu ku lahaa goolka furitaanka. Garoonka oo dhan ayuu daboolay.
Andrey Santos (6/10):
Dadaal badan, kubaddana si fudud ayuu u wareejiyay.
Cole Palmer (4/10):
Maalin niyad jab ah. Fursad weyn ayuu lumiyay. Waxaa loo huray si boos loogu helo Tosin Adarabioyo kadib casaankii Fofana.
Weerarka
Enzo Fernandez (4/10):
Wax saameyn weyn ah ma yeelan.
Joao Pedro (8/10):
Kalsooni buuxda ayuu helay Rosenior, wuxuuna dhaliyay goolkiisii shanaad lixdiisii kulan ee ugu dambeeyay. Waxaa lagu beddelay Liam Delap markii Chelsea 10 noqotay.
Pedro Neto (8/10):
Si xawaare leh ayuu uga shaqeeyay garabka bidix. Waxaa lagu beddelay Mamadou Sarr.
Bedel & Tababare
Tosin Adarabioyo (4/10):
Si degdeg ah ayuu ku soo galay kadib casaanka. Wuxuu nasiib u yeeshay inuusan qalad weyn gelin marka uu la kulmay Flemming.
Jorrel Hato (5/10):
Daqiiqadihii ugu dambeeyay ayuu soo galay.
Liam Delap (5/10):
Jir ahaan wuu xoog badnaa, balse darbo uu qaaday ayaa ka sare martay goolka.
Mamadou Sarr (N/A):
Kulankiisii ugu horreeyay ee Premier League ayuu ciyaaray.
Josh Acheampong (N/A):
Wuxuu beddelay James.
Liam Rosenior (6/10):
Chelsea si fiican ayay u ciyaareysay inta badan kulanka, balse qaladaadka ciyaartoyda ayaa mar kale niyad jab ku noqday tababaraha.