Warbaahinta Libya ayaa Baahisay in Sayf al Qaddaafi oo ah Wiilka uu dhalay Madaxweynihii hore Mucammar Qaddaafi lagu Dilay Iska-horimaadyo ka dhacay galbeedka Liibiya.
Weriyaha Al Jazeera ee Liibiya, Ahmed Khalifa, ayaa sheegay in Saif al-Islam la rumeysan yahay in lagu toogtay laguna dilay magaalada Zintan ee galbeedka Liibiya, halkaas oo uu deggenaa tobankii sano ee la soo dhaafay.
Geerida Saif al-Islam Gaddafi oo 53 jir ahaa waxaa xaqiijiyay lataliyihiisa arimaha siyaasada, Abdullah Othman. Hase yeeshee, ilaa hadda lama oga cidda weerarka fulisay iyo duruufaha ku xeeran dilka. Mas’uuliyiinta Liibiya weli kama aysan hadlin dhacdadan.
Saif al-Islam Gaddafi ma uusan qaban xil rasmi ah oo dowladeed, balse intii u dhaxaysay 2000 ilaa 2011 waxaa loo arkayay ninka labaad ee ugu awoodda badan Liibiya, kana dambeeya aabbihii Muammar Gaddafi.
Sanadkii 2011 ayay mucaaradka Liibiya dileen Muammar Gaddafi, taas oo keentay in xukunkiisii la rido.
Saif al-Islam Gaddafi ayaa markii hore lagu xiray magaalada Zintan sanadkii 2011, ka hor inta aan la sii deyn sanadkii 2017.
