39
Dawladda Soomaaliya ayaa sheegtay in aanay iyadu lahayn diyaaradaha F-16 ee maalmihii u dambeeyay lagu arkay hawada Muqdisho, balse ay leedahay Dawladda Turkigu.
Wasiir Fiqi ayaa sheegay in qalad loo fahmay hadal uu shalay jeediyay, kaas oo ahaa in Soomaaliya leedahay diyaaradahaas.
Hadalka Wasiirka ayaa u muuqda mid lagu beeninayo sheegashooyin ay warbaahinta mariyeen qaar ka mid ah siyaasiyiinta Soomaaliya, kuwaas oo ku faanay in Dawladda Federaalka ay soo iibsatay diyaaradahaas.
Wasiirku wuxuu carrabka ku adkeeyay in Turkigu iska leeyahay diyaaradaha dagaalka ee F-16.