Wasaaradda Arrimaha Gudaha iyo Federaalka Xukuumadda Soomaaliya ayaa baaq kasoo saartay xiisad colaadeed oo ka taagan magaalada Ceerigaabo ee gobolka Sanaag, halkaas oo ay ka dhaceen dilal qabiil iyo deegaan ku salleysan.
Qoraal kasoo baxay Wasaaradda Arrimaha Gudaha ayaa lagu sheegay in Wasiirrka uu xiriir la sameeyay maamulka iyo waxgaradka magaalada Ceerigaabo , kuwaa uu kala hadlay xiisada colaadeed ee ka taagan magaalada Ceerigaabo.
Xiisad u dhaxeysa maamulka Khaatumo SSC iyo maamulka Somaliland ayaa ka taagan magaalada Ceerigaabo, waxaana halkaasi saacadihii lasoo dhaafay ka dhacay dilal loo geestay ganacsato iyo dad kale ,kuwaa oo loo dilay heybta ay kasoo jeedaan dartood.
