Mareykanka ayaa shaaciyey inuu dib u dejin u sameynayo Qaxooti ku baahsan caalamka oo gaaraya 125 kun oo qof sanadka soo socda.
Hay’adda Qaramada Midoobay u qaabilsan Qaxootiga UNHCR, ayaa ku bogaadisay Maraykanka go’aanka ay ku ogolaatay illaa 125,000 oo qaxooti ah inuu dib-u-dejin u sameeyo inta lagu jiro sannad-maaliyadeedka bilaabmaya Oktoobar 1, 2024.
“Ballanqaadkan ayaa siinaya nolosha qaxootiga inay dib u dhistaan noloshooda si ammaan ah iyo sharaf leh. Waxayna dib u xaqiijinaysaa wadajirka dheer ee ay dawladda Maraykanka iyo dadka Maraykanku u muujiyeen kuwa u baahan naf-badbaadinta” ayuu yiri Mr. Matthew Reynolds oo ka tirsan madaxda UNHCR
“Go’aankan, Maraykanku wuxuu dejinayaa tusaale xooggan oo ah sida mabaadi’da bani’aadamnimada loogu tarjumi karo siyaasad dib-u-dejin oo waxtar leh. UNHCR waxay ugu baaqaysaa wadamo badan inay raacaan jihada Maraykanka iyagoo kordhinaya fursadaha dib u dejinta iyo dariiqooyinka sharciga ah ee qaxootiga” ayuu intaas ku daray.
UNHCR waxay sheegtay ineu diyaar u tahay inay la kaashato dawladda Maraykanka si loo hubiyo in barnaamijka dib u dejinta uu hirgalo si guul leh sanadka soo socda.
Lama sheegin illaa hadda dalalka iyo meelaha uu Mareykanku ka qaadan doono qaxootiga uu dib u dejinta u sameynayo