Dagaalyahanada Xamaas ee Qasa waxay ku guuleysteen inay maanta Israail ka dilaan Jeneraalo & askartii ugu badnayd
Saraakiisha la dilay waxaa ku jira Jen Ihsan Daqsa Taliyihii guutada 401aad ee ciidanka Israel oo 2006dii Billada ugu sareysa ee ciidamada Israaiil la gudoonsiiyey,
Taangiyadii ugu casrisanaa ee ciidanka Israaiil ayaa qaarkood la gubay ka dib dagaal culus oo ka dhacay xaafada Jabalia ee woqooyiga marinka Gaza.
Xamaas ayaa u adeegsatay weeraradan bambada Mk82 ee Israa’iil ay ku riday Qasa, taasoo aan qarxin, balse dib loo farsameeyay.
Dhinaca kale, Shabakadda KANN news ee ku hadasha afka Maamulka Israa’iil, ayaa goor dhow sheegtay in la dhammeystiray diyaarinta nidaamka difaaca Mareykanka uu geeyay Israa’iil ee THAAD, waxaana la sheegay inuu u diyaarsan yahay inuu howlgallo si uu uga qeyb qaato difaaca weeraro aargoosi ah oo ka iman kara Iran.
Israa’iil ayaa isku diyaarinaysa weerarro waaweyn ee ay ka geysato gudaha Iran, sida ay Al-Jazeera ka soo xigatay Warbaahinta Israa’iil.
Tani waxay ku soo aadaysa, xilli la filayo kulanka uu caawa la qaadanayo Netanyahu, xubnaha amniga ee golahiisa wasiirrada inay cod ugu qaadaan waqtiga uu dhacayo weerarka Israa’iil ee ka dhanka ah Iran.
Mid ka mid ah fadeexooyinka ugu weyn ee ay Israa’iil wajahday ayaa ah nidaamyadii difaaca ee ka hor dagaalka Qasa lagu sheegay mid ka mid ah ugu awoodd badan, balse ma awoodin inuu qabto diyaaradaha iyo gantaallada lagu weerarro gudaha Israa’iil.