Ururka Xisbullaah ayaa saacadihii lasoo dhaafay mafaafiic culus ku garaacay gudaha Israa’iil, waxaana madaafiicdaasi qaarkood la sheegay in ay gudaha u galeen kuna dhaceen deegaanno katirsan dhulka xoogga ku heysato Israa’iil.
War kasoo baxay ciidamada difaaca Israa’iil ee IDF ayaa lagu sheegay in 25 madfac laga soo riday dalka Lubnaan kusoo dhaceen gudaha Israa’iil, waxa ayna sheegeen in madaafiicda qaarkood la qabtay halka kuwa kalana la qaban waayay.
Milatariga Israa’iil ma sheegin ilaa hadda khasaaraha ka dhsahay madaafiicda qaar ee ku dhacay deegaanno katirsan Israa’iil, waxaana la maqlayay qalabka digniinta bixiya oo qeylinaya markii duqeynta Xisbullaah bilowdeen.
Dhinaca kale milatariga Israa’iil , ayaa duqeymo culus ku garaacay qeybo kamid ah dalka Lubnaan, waxa ayna duqeeyeen goobo dhawr ah ay kamid yihiin bangiga dalkaasi iyo xarumo kale , waxaana jira khasaaro badan oop shacabka soo gaaray.