Boqorka dalka Malaysia oo warqadaha aqoonsiga danjiranimo ka guddoomay safiirka cusub ee Soomaaliya u magacawday dalkaas.
Safiirka Soomaaliya ee dhawaan loo magacaabay dalka Malaysia, Danjire Cali Maxamed Abukar ayaa maanta si rasmi ah waxaa waraaqaha aqoonsiga danjiranimo uga guddoomay boqorka Malaysia, Sultan Ibrahim, kaddib munaasabad ka dhacday dhismaha boqorka ee Istana Negara.
Danjire Cali Maxamed Abukar, ayaa sheegay in uu ku dadaali doono sare u qaadista xiriirka diblomaasiyadeed ee Soomaaliya iyo Malaysia.
Safiirka cusub ayaa sidoo kale carrabka ku adkeeyay muhiimadda ay leedahay in Soomaaliya iyo Malaysia ay yeeshaan iskaashi dhow oo dhinacyo badan taabanaya, si loo xoojiyo arrimaha mudnaanta leh oo ay ugu horreeyaan waxbarashada, horumarinta xirfadaha, ganacsiga, dhaqanka iyo is dhexgalka bulshada.
Malaysia oo ah dal ku yaalla koonfur bari Aasiya, ayaa ka mid ah waddamada xiriirka diblomaasiyadeed ee taariikhiga ah uu kala dhaxeeyo Soomaaliya.
