Wargeyska New York Times, ayaa ka soo xigtay afar sarkaal oo Irani ah; hoggaamiyaha sare ee Iran , Cali Khamenei inuu amar ku siiyay ciidanka Iran inay u diyaar garoobaan dagaal lala galo Israa’iil
Sidoo kale waxaa u soo jeediyay inay soo diyaariyaan qorshayaasha jawaabta laga bixinayo weerarka la filayo inuu uga yimaado dhinaca Israa’iil.
Warbixinta waxaa lagu sheegay jawaabta ay ka bixinayso Iran weerar kasta oo uga yimaada dhinaca Israa’iil inay ku xiran tahay hadba nooca weerar iyo khasaaraha soo gaara Iran.
War ka soo baxay dawlada Iiraan ayaa lagu sheegay in aanay ka Walaacsaneyn in la Weeraro xarumaheeda hubka Niyuklerka.
Bayaan Aljazeera la soo gaarsiiyay ayaa lagu yiri nidaamkeena difaaca waa mid ka hortagi kara nooc walba oo weerar ah.
“Qalabkeena difaaca Xarumaha Hubka waa mid aad looga shaqeeyay, Cabsi kama qabno weerar lagu ekeeyo,” ayaa lagu yiri warkan Iiraan ka yimid.
Qoraalka ayaa lagu sheegay in hadiiba la weeraro xarumaha hubka Culus ee Tehran, Jawaabtu noqon doonto mid gobolka saameysa, lama filaana nku noqota Israel.