Telefishinka Israa’iil ee Channel 12, ayaa ku warramay qiimeynta sirdoonka Israa’iil inay muujinayso Iran inay weerar ku soo qaadi doonto Israa’iil, iyadoo mar kale adeegsanaysa gantaallada ballistic-ga, si ay uga jawaabto weerarkii Sabtidii.
Warbixinta sirdoonka ayaa sidoo kale lagu sheegay in gudaha Israa’iil ay ka socoto diyaar garow, si looga gaashaanto weerarka ka imaan kara Tehran.
Wasaaradda arrimaha dibadda Iran, ayaa saacadihii hore ee maanta warsaxaafadeed ku sheegtay inaysan Iran ka tagi doonin xaqa ay u leedahay inay ka jawaabto duqeymihii ay Israa’iil ka geysatay gudaha Iran.