Madaxweynaha la doortey ee Somaliland Cabdiraxmaan Maxamed Cabdilaahi Cirro ayaa maanta qaabilay safiirada dalalka Itoobiya, Ingiriiska.
Madaxwayne Ciro ayaa ugu horeyn qaabilay Safiirka Dawlada Itoobiya u fadhiya Somaliland 𝗔𝗺𝗯 𝗧𝗲𝘀𝗵𝗼𝗺𝗮 𝗦𝗵𝘂𝗻𝗱𝗲 𝗛𝗮𝗺𝗶𝘁𝗼, safiir ku xigeenkiisa iyo saraakiil ciidan oo ka tirsan safarada Itoobiya kuwaas oo ku booqday hoyga madaxwaynaha.
Safiirka ayaa madaxweynaha cusub soo gaadhsiiyey dhanbaal Hanbalayo ah oo uu ka sidey dawladiisa Itoobiya . Sidoo kale madaxweynaha cusub ee la doortey iyo Safiirka ayaa ka wada hadley xidhiidhka qotada dheer ee ka dhexeya Somaliland iyo Itoobiya.
Dhinaca kale Madaxweynaha la doortey ee Somaliland Cabdiraxmaan Maxamed Cabdilaahi Cirro ayaa sidoo kale qaabilay Wakiilka Dawlada Ingiriis-ka u qaabilsan Somaliland 𝗜𝗹𝘆𝗮𝘀 𝗠𝗮𝗹𝗲𝗸 iyo safiir ku xigeenkiisa 𝗖𝗵𝗿𝗶𝘀𝗿𝗶𝗻𝗮 𝗧𝗼𝗲𝗽𝗲𝗹𝗹
Safiirka ayaa madaxweynaha cusub ee la doortey soo gaadhsiiyey dhanbaal hanbalyo ah oo uu ka sidey dawladiisa UK .
Kulankan waxaa madaxweynaha la doortey ku wehelinaayey madaxweyne ku xigeenkiisa iyo xoghayaha Guud ee xisbiga muxaafidka ah ee WADDANI
