Ciidanka badda Iran, ayaa maanta ku dhawaaqay inay gacanta ku dhigeen labo markab oo ah nooca shidaalka qaada oo siday in ka badan saddex milyan oo litir oo shidaal ah ,xilli ay ku sugnaayeen gacanka Faaris, iyagoo ku eedeyay inay shidaal tahriibinayeen.
Mid ka mid ah labada markab oo magacyadooda lagu sheegay STAR l iyo VINTAGE, waxaa laga leeyahay Imaaraadka Carabta , halka markabka kale aan la aqoonsan, waxaana la geeyay labada markab iyo 25 shaqaale ah oo la socday dekedda Bushehr ee koonfurta Iran, halkaa oo ay Iran kula wareegayso shidaalka ay sidaan, sida uu ku warramay telefishinka Iran ee Press Tv.
Iran ayaa la kullanta shidaal badan oo laga xado suuqyadeeda oo ay dib ula wareegaan dalal iyo shirkadda shisheeye, sabab la xiriirta qiimaha hoose ee lagu heli karo shidaalka Iran oo halkii litir ee shidaalka Iran , kaliya wuxuu ka joogaa suuqyada Tehran $0.003. Xaaladan waxay ku khasabtay inay ciidanka badda Iran ku gaaf wareegaan gacanta Faaris , waxayna la wareegaan nooc kasta oo shidaal si sharci darro ah looga gudbinayo gacanta Faaris.
