Taliyaha Ciidanka Giriiga Oo Maanta ku Dhawaaqay inuu Dalkiisa khatar kala kulmayo Turkiga

Taliyaha guud ee ciidanka Giriiga, Jen.Dimitris Houpis ayaa maanta ku dhawaaqay inuu dalkiisa khatar kala kulmayo Turkiga , isagoo intaa ku daray ; “ Ciidanka Giriiga , waxay u diyaarsanyihiin muddo 5 daqiiqo ah inay ku farageliyaan iskuday kasta oo Turkiga ku khalkhal gelinayo amniga Giriiga…. Waxaaan dooneyna muwaadiniinteena inay nabad dareemaan.”

Mareykanka , wuxuu u oggolaaday Giriiga inuu ka iibiyo diyaaradaha dagaal ee ka dhuuman kara raadaarka ee F-35 , toddobaad ka horna waxay ahayd markii Giriiga ay sameeyeen dhoolatus milatari oo Mareykanka, Israa’iil, Faransiiska , Qatar, Imaaraadka Carabta iyo dalal kale ay kala qeybgaleen.