Eedayntu waxay tilmaamaysaa in Maxamed Cali la beegsaday kadib markii uu diiday inuu la shaqeeyo shirkaddaas. Waxaa la sheegay in booliisku u adeegsadeen unugyo khaas ah oo hoos taga hay’adda DCI, waxaana lagu tuhunsan yahay inay fuliyaan dilal dad gaar ah oo ay laaluush ku qaataan.
Weli wax jawaab ah lagama helin booliiska Kenya iyo Bryden oo laga doonayay inuu ka hadlo eedeymaha dilkaan la sheegay in uu ka dambeeyay.
Mathew Bryden, ma ahan nin ku cusub dhagaha Somalida dowladii hore ee uu madaxweynaha ka ahaa Farmaajo ayaa isaga iyo shirkadiisa dalka ka mamnuucday maadaama uu cadaawad badan u muujiyay dowladnimada Somalia. Balse markii la doortay madaxweynaha Xasan Sheekh ayaa lagu casuumay caleema saarka madaxweynaha. Dhawaan waxa uu sidoo kale ka qayb galay caleema saarka madaxweyne Cirro.
