Afhayeenka dhinaca militariga ee kooxda Xuutiyiinta Yemen, Yaxye Sariic ayaa goor dhow sheegay inay gantaal ballistic ah ku dhufteen saldhigga ciidanka cirka Israa’iil ee Nevatim oo ku dhow saxaraha Negev, wuxuuna ku jira saldhigyada militari ee ugu muhiimsan Israa’iil oo ay yaalaan nooc kasta oo diyaaradaha dagaalka ee ay ku hubeysan yihiin ciidanka cirka Israa’iil.
Sariic, ayaa sidoo kale sheegay in hawada gobolka Al Jawf ee dhulka Yemen inay ku soo rideen diyaaradda aan duuliyahan lahayn ee Mareykanka ee MQ-9 Reaper oo qiimaheedu joogo 32 milyan oo dollar, waa diyaaraddii 11-aad oo ay Xuutiyiinta soo ridayaan tan iyo November sannadkii hore.