Howlgal ay sameeyeen Ciidanka Xoogga Dalka iyo Ciidanka degaanka ayay gacanta ku soo dhigeen mid ka mid ah xoogaga Al shabaab oo ka qeyb galay dagaalkii ka dhacay degaanka Beerayabaal ee gobolka Hiiraan
Ninkan oo la sheegay inuu yahay ajnabi ka soo jeeda qowmiyada oromada ayaa waxaa jirkiisa qeybo ka mid ah ku taalla shaabad laga sameeyey Taatuu.
Ninkan ayaa haatan ku xiran xabsi ku yaalla degmada Buulo Burde ee gobolka Hiiraan
“Maleeshiyaad khawaarijta ayaa inta badan waxay ku Adeegtaan dadka dambiyada ka soo galay waddamada ay ka soo jeedaan ninkana kuwaas ayuu ka mid yahay” ayuu yiri sarkaal ka tirsan ciidanka Xoogga.
Waxaa uu sheegay iney ku socoto haatan ninkan baaris, dhowaana ay soo taagi doonaan Maxkamad si ciqaabka uu mudan yahay loo marsiyo.
