Iska horimaad ka dhacay xadka Lubnaan, ayaa lagu dilay 5 askari oo ka tirsan ciidanka Israa’iil.
tani waxay sare u qaadaysa dhimashada ciidanka Israa’iil, iyadoo la arkay diyaaradaha qumaatiga u kaca ee ciidanka Israa’iil oo ka deggaya isbitaallada waqooyiga dhulka ay Israa’iil heysato iyo Telaabiib.
Sidoo kale Marinka Qasa ee dhulka Falastiiniyiinta oo la kulmaya gardarrada iyo xasuuqa sannadka ay ka wado Israa’iil.
Maanta Gasa waxay u ahayd maalin argagax leh oo xeryaha ugu weyn ee dadka ay ku barakaceen ee waqooyiga iyo bartamaha ay ka dhaceen weerarro xasuuq oo lagu dilay tobannaan carruur , xilli isbitaallada ay ka baxeen adeegga sababo la xiriira go’doonka ay geliyeen ciidanka Israa’iil oo ka hor istaagay dawada, cunada, biyaha iyo shidaalka, iyadoo Xamaas iyo maamulka caafimaadka Qasa ay dalbanayaan in si deg deg wax looga qabto xaaladda ka jirta waqooyiga iyo bartamaha Qasa.
