Ra’iisul wasaaraha Qatar, Sheikh Mohammed bin Abdul Rahman Al Thani ayaa si rasmi ah ugu dhawaaqay heshiiska xabbad-joojinta Qasa oo ay wadajir u gaareen Xamaas iyo Israa’iil.
“ Qatar, Masar, iyo Mareykanka ayaa ku faraxsan inay ku dhawaaqaan in heshiis laga gaaray Qasa,” ayuu yiri Raysal wasaaraha dalka Qadar oo caawa la hadlay warbaahinta
Sheikh Mohammed bin Abdul Rahman Al Thani ayaa intaa ku daray in dhaqangelinta heshiiska ay billaabanayso maalinta Axadda ee 19 Jannaayo, wuxuuna caddeeyay inay sii socdaan wada-hadallada u dhexeeya Israa’iil iyo Xamaas ee ku aaddan dhaqangelinta heshiiska.