Weerar Lagu Dilay Dad Badan Oo ka Dhacay Maraykanka

Ugu yaraan 10 qof ayaa maanta ku dhimatay 30 kalena waa ay ku dhaawacmeen,kaddib markii gaari uu jiiray dad ku sugnaa xaafad caan ah oo loo dalxiis tago oo ku taal magaalada New Orleans , gobolka Louisiana ee dalka Mareykanka.

Ninka waday gaariga ayaa sidoo kale adeegsaday qori, wuxuuna ku furay rasaas dadkii goobta joogay rasaas ay sidoo kale ku dhaawacmeen labo askari oo weerarka ka jawaabay,

Sidoo kale FBI-da Mareykanka ayaa sheegtay in goobta uu weerarka ka dhacay laga helay wax looga shakisan yahay alaad qaraxda oo ay baaritaan ku wadaan, halka ay CNN ku warrantay in la toogtay Ninka weerarka fuliyay.