Waxaa lagu eedeeyey iney faragelin ku sameysay arrimaha gudaha Soomaaliya, sida ay ku warrantay warbaahinta Sweden.
Högberg oo tan iyo sanadkii 2022-kii hormuud ka aheyd dadaallada gargaarka ah ee Sweden ay ka wado Soomaaliya ayaa la sheegay in lagu amray in ay dalka isaga baxdo, sababo la xiriira xiisad u dhaxeysa iyada iyo dowladda Soomaaliya.
Sida laga soo xigtay Global Bar Magazine, ceyrinta ayaa ka dhalatay khilaaf soo kala dhexgalay mas’uulkan ka tirsan dowladda Sweden iyo mas’uuliyiinta Soomaalida oo uu ku jiro xafiiska ra’iisul wasaare Xamsa Cabdi Barre.
Warar soo baxaya ayaa sheegaya in dowladda Soomaaliya ay horay u go’aansatey bishii March in dalka laga saaro hay’adda gargaarka ee Sweden balse dhawaan ay dhaqan gelisay go’aankii ka dhanka ahaa Högberg.
Lama sida Talaabadan ay u saameyn karto xiriirka diblumaasiyadeed ee Soomaaliya iyo Sweden.
Inkastoo dowladda Soomaaliya ay ka aamustay arrintan, ayaa haddana ilo-wareedyadu waxay sheegayaan in ceyrintan ay daba socoto walaac ku aaddan faragelinta Sweden ee arrimaha siyaasadda iyo horumarinta Soomaaliya
Cayrinta diblamaasiyadan sare ayaa hoosta ka xariiqday dadaalka sii kordhaya ee Soomaaliya ay ku doonayso inay ku xakamayso ku lug lahaanshaha shisheeye ee maamulkeeda iyo qaybteeda gargaarka.
