Dowladda Soomaaliya ayaaa caddeysay in shaqada baadhista shidaalka dalka ee loo yaqaan (3D Seismic Survey) la soo gabagabeyn doono ka hor dhammaadka sannadkan, si loo cayimo goobaha shidaalku ku jiro, looguna gudbo wejiga xiga ee qodista ceelasha shidaalka, sida lagu sheegey war-saxaafadeed laga soo saaray shirka Golaha Wasiirrada.
Markab laga leeyahay dalka Turkiga oo lagu magacaabo Oruc Reis oo dalka yimi bishii Oktoobar ee sanadkii na soo dhaafay ayaa xeebaha maamulka Galmudug ka wada sahaminta shidaalka iyo gaaska dabiiciga ah ee dalka.
Sida ku qoran heshiiskii wadaagga khayraadka dabiiciga oo Baydhabo lagu wada saxiixay 2018; Dawladda Federaalku waxay heli doontaa 55% dakhliga shidaalka laga soo saaro badda halka Dowlad-goboleedka laga soo saaro uu heleyo 25%; halka degmada ama gobolka sida gaar ah ay ugu yaallaan ceelasha saliidda ay helaan 10%. Dowlad-goboleedyada aan shidaalka soo-saarin 10% kale ayey nasiib u heli-doonaan.
Soomaali ma faqriga ayey ka bixi mise wey isku qabsan kheyraadkeeda?