Ra’iisul Wasaarihii hore ee Pakistan, Imran Khan, ayaa wali ku jira xabsi, balse taasi kama hor istaagin in loo magacaabo Abaalmarinta Nabadda ee Nobel, iyada oo la aqoonsaday dadaalkiisii dhanka xuquuqda aadanaha iyo dimuqraadiyadda.
Imran Khan ayaa bishii Jannaayo 2024 lagu xukumay 10 sano oo xabsi ah, halka bishii Febraayo 2025 lagu daray 14 sano oo kale, isagoo lagu helay danbiyo la xiriira musuq-maasuq iyo in uu dusiyey dokumentiyo sir ah. Xaaskiisa, Bushra Bibi, ayaa sidoo kale lagu xukumay 7 sano oo xabsi ah.
Dhinaca kale, magacaabistiisa Nobel Peace Prize waxaa shaaciyey xubno ka tirsan Pakistan World Alliance (PWA), oo xiriir la leh xisbiga Norwegian-ka ah Partiet Sentrum.
Imran Khan ayaa beeniyey dhammaan eedeymaha loo heysto, isagoo ku tilmaamay kuwo siyaasadeed oo looga gol leeyahay in looga hor istaago mustaqbalkiisa siyaasadeed.