Faysal Cali Waraabe Oo ka Hadlay Qaraxii Xalay ka Dhacay Muqdisho.

Guddoomiyaha xisbiga UCID, Faysal Cali Waraabe ayaa ka hadley Qarax xalay ka dhacey magaalada Muqdisho oo geystay dhimasho, dhaawac iyo khasaare kale oo baaxad leh. Guddoomiye Faysal ayaa ku dhaliilay qaraxaas madaxweynaha Somalia Xassan Sheekh iyo Xukuumadiisa, waxaanu Qaramada Midoobey ugu baaqey inay kala dirto xukuumada hada. Qoraal uu ku baahiyey bartiisa X ayuu ku yidhi;

“Ugu horeyn waxaan canbaareyneynaa weerarkii wuxuushnimada ahaa ee lagu xasuuqay dad rayid ah oo ku sugnaa Xeebta Liido ee magaalada Muqdisho. Anagoo tacsi u dirayna qoysaskii ay ka baxeen eheladooda.

Talaabadani waxay ina tusinaysaa fashilka hogaanka HSM-ka oo ku mashquulsan sidii uu naftiisa iyo beeshiisa u tayeyn lahaa, una dumin lahaa dawladnimada Somaliland.

Waxaan mar labaad ugu baaqaynaa Golaha Ammaanka ee Qaramada Midoobay inay dawladdan fashilantay hoos geyso ammaano. Dawladdii beenta ahayd ee Xasanna la kala diro.”