Iran Oo Dukumentiyo Sir ah ka Baahisay Agaasimaha Hay’adda Caalamiga ah

Hay’adda sirdoonka Iran, ayaa baahisay dukumentiyo sir ah oo muujinaya xiriirka agaasimaha hay’adda caalamiga ah ee Tamarta Nukliyeerka, Rafael Grossi uu la leeyahay Israa’iil , isagoo raacaya awaamiirta Israa’iil, ayuu door muuqda ka qaatay dadaallada Israa’iil ay ku doonayso inay dunidda oo dhan u tusto nukliyeerka Iran mid khatar ah oo loo baahanyahay in meesha laga saaro.

Israa’iil waxay dhex martay wasaaradda arrimaha dibadda Argentine, oo ah dalka uu ka soo jeedo Rafael Grossi, oo loogu talagalay inuu si madax bannaan ula socdo dhaqdhaqaaqyada dhismaha nukliyeerka caalamka, balse hadda xogta ay soo bandhigtay Iran, waa muujinaysa inuu u dhaqmayo sida inuu u shaqeynayo Israa’iil.