Iran ayaa markii u horreysay maanta soo bandhigtay iska horimaadyo badda ay kula galeen Israa’iil, kaddib markii uu sheegay taliyaha ciidanka Ilaalada Kacaanka, Jen. Hossein Salami inay Israa’iil weerartay 14 markab oo ay leedahay Iran , xilli ay marayeen biyaha caalamiga.
Salami ayaa yiri “Israa’iil waxay weerartay 14 ka mid ah maraakiibteena si aan saliideena loo dhoofin.” Waxa uu intaa ku daray: “Markii hore manan garaneyn cidda soo weerartay maraakiibta, laakiin waxaan ogaanay inay tahay maamulka Israa’iil…. Waxaan kaddib qaadnay weerarro aan ku beegsanay 12 markab oo ay lahayd Israa’iil , kaddib ayay inoo sheegeen inay joojinayaan weerarrada maraakiibteenna.”
Ma uusan sheegin taariikhda ay weerarradan dhaceen.
