Diyaaradaha dagaalka ee Israa’iil ayaa caawa duqeymo la beegsaday xarumo muhiim ah oo ku yaala dalka suuriya, waxaana duqeymahaasi lala beegsaday dhismaha cilmi-baadhiseed oo ku yaalla xaafadda Berzeh ee caasimadda Suuriya ee Dimishiq iyo saldhigga ciidammada cirka ee Hama.
Israa’iil ayaa sheegtey in duqaymaha aan loo meeldayin ee ay ka wado dalka Suuriya ay yihiin farriimo loo dirayo Turkiga oo la micno ah; Saldhig haka samaysan Suuriya, hana faragelin dhaqdhaqaaqyada Israa’iil ee dalkaasi — JP
Warsaxaafadeed ka soo baxay ciidanka Israa’iil, waxaa lagu sheegay ; “Waxaan sii wadi doonaa inaan ka shaqeyno sidii aan meesha uga saari lahayn khatar kasta oo ku wajahan muwaadiniinta Israa’iil.”