Madaxweynaha Jamhuuriyadda Jabuuti mudane Ismaaciil Cumar Geele ayaa si kulul u cambaareeyay falkii argagaxiso ee shalay ka dhacay xerada Jeneraal Gordan ee magaalada Muqdisho.
Madaxweynaha ayaa sheegay in Jabuuti ay garab taagan tahay dowlada iyo shacabka Soomaaliya oo dadaal adag ugu jira sidii argagaxisada dalka looga cirib tiri lahaa.
Jabuuti ms oo hadal qaadin Imaaraatka, kaliya tacsida waxay ku ekaysiisay Soomaali, balse maamulka Biixi ayaa dalka Emiraadka Carabta kaga tacsiyaysay dhimashada saraakiil waddankaas u dhashay oo halkaas u joogay tababar ciidan.
Qoraal lagu daabacay bogga X ee Wasaaradda arrimaha dibada ayaa lagu sheegay inay Somaliland iyo shacabkeeduba Emirate ka tacsiyadanayaan falkaas lagu laayey saraakiishoodii ku sugnaa Soomaaliya. Somaliland ma soo hadal qaadin Soomaliya, tacsideedana waxay ku ekeysiisay oo kaliya Imaaraadka Carabta.