Khaliil Hayya, oo ah ku-xigeenka madaxa xafiiska siyaasadda Xamaas ayaa ku dhawaaqay dhimashada hoggaamiyihii Xamaas, Yaxye Sinwar — wuxuu sheegay inay dileen ciidanka Israa’iil, isaga oo ku sifeyay inuu ahaa “mid adag, geesi ah oo aan cabsi lahayn”
Hayya oo arimahan ka hadlaya ayaa yiri “Sinwar wuxuu naftiisa u huray xorriyaddayada…. wuxuu u dhintay si geesinimo leh, madaxiisa kor u taagaya, oo haysta hubkiisa, oo rasaas ku ridaya ilaa neefta ugu dambeysa, ilaa daqiiqada ugu dambeysa ee noloshiisa.”
Wuxuu caddeeyay in maxaabiista lagu haysto Qasa aysan dib u soo laaban doonin illaa ay Israa’iil joojiso weerarada ay ku geysanayso Qasa, ayna kala soo baxayaan ciidamadooda dhulka marinka Qasa.