Ku-simaha Madaxweynaha Dowladda Puntland Ahna Madaxweyne Ku-xigeenka Dowladda Mudane Ilyaas Cismaan lugatoor ayaa soo saaray Xeer Kusime Madaxweyne Lr 06, April 08, 2024: kuna saabsan Cafis Maxaabiis Fadliga bisha Ramadaan darteed.
Kusimaha Madaxweynaha dowladda Puntland Ahna Madaxweyne Ku-xigeenka.
Markuu Arkay:- Dastuurka dowladda Puntland Qodobkiisa 81-aad
Markuu Arkay:- Talo soo jeedinta Wasaaradda Caddaalada, Arrimaha Diinta, Dastuurka iyo Dhaqancelinta Puntland Puntland.
Markuu Tix geliyey:- Fadliga Bisha Barakaysan ee Ramadaan iyo Munaasabadda Ciidul-Fidriga.
Wuxuu Cafis u fidiyey Maxaabiis tiradoodu dhan tahay 50 Maxbuus oo ku kala jira Xabsiyada kala duwan ee Puntland.
Xeerkani wuxuu dhaqangelaya markuu saxiixo Ku-simaha Madaxweynaha Dowladda Puntland Ahna Madaxweyne Ku-xigeenka Dowladda, wuuna saxiixay.