Heemaal News Network

Madaxweyne Cirro Oo la kulmay Raโ€™isul Wasaaraha Imaaraadka una Mahadceliyay

Madaxweynaha Somaliland Mudane Cabdiraxmaan Maxamed Cabdilaahi (Cirro) oo maalintii labaad ku guda jira Safarkiisii Shaqo ee uu ku tagay Dalka Isutagga Imaaraadka Carabta ayaa maanta waxa uu kulan mihiim ah leeshay ๐’๐ก๐ž๐ข๐ค๐ก ๐Œ๐จ๐ก๐š๐ฆ๐ฆ๐ž๐ ๐๐ข๐ง ๐‘๐š๐ฌ๐ก๐ข๐ ๐€๐ฅ ๐Œ๐š๐ค๐ญ๐จ๐ฎ๐ฆ oo ah Madaxweyne-ku-xigeenka iyo Raysal Wasaaraha Dalka Imaaraadka Carabta , isla markaana ah Amiirka Mandaqadda Dubai.

Sidoo kale, Madaxweynaha JSL waxa uu la kulmay ๐’๐ก๐ž๐ข๐ค๐ก ๐Œ๐š๐ง๐ฌ๐จ๐ฎ๐ซ ๐๐ข๐ง ๐™๐š๐ฒ๐ž๐ ๐๐ข๐ง ๐’๐ฎ๐ฅ๐ญ๐š๐ง ๐€๐ฅ ๐๐š๐ก๐ฒ๐š๐ง oo ah Madaxweyne-ku-xigeenka iyo Raysal Wasaare ku xigeenka dalkaasi, isla markaana ah Wasiirka Arimaha Madaxtooyada ee dalka Isku-taga Imaaraadka Carabta.

Madaxweynaha Somaliland waxa uu Dawladda Imaaraadka Carabta uga mahad naqay Marti-qaadka Rasmiga ah iyo maamuuska sare ee loo fidiyey Madaxweynaha Somaliland si uu uga qeyb galo Shirka Caalamiga ah ee Kulanka Dawladdaha Caalamka.

Madaxweyne Cirro waxa uu madaxda Dawladda Imaaraadka kala hadlay arrimo door ah oo muhimmad iyo mudnaanba u leh labada dhinac iyo labada shacab ee walaalaha ah, arrimahaasina waxa ka mid ahaa:

Iskaashiga Arrimaha Dhaqaalaha, Maalgashiga iyo ka wada shaqaynta Xasiloonida Mandaqadda. Dhanka kale, Madaxweynuhu waxa uu Dawladda Imaaraadka Carabta kala Hadley inay Somaliland ka taageerto xagga kaabayaasha dhaqaalaha iyo in labada dhinac ay iska kaashadaan xagga arrimaha Amniga, gaar ahaan Xasiloonida Marrin Biyoodka Gacanka Cadmeed iyo Badda Cas.