Madaxweynaha Burkina Faso ee Galbeedka Afrika waa Ibrahim Traore ayaa 50% u kordhiyey mushaarka shaqaalaha rayidka ah, si looga gudbo cabashada dhaqaale ka taagan dalkaasi.
Ibraahim Traore ayaa sidoo kale qaaday tallaabo kale oo 30% uu ku dhimay mushaaraadka la siiyo Xildhibaannada, Wasiirrada iyo Siyaasiyiinta, waxaana arrintan ka dhashay hadal hayn badan.
Mudooyinkii ugu danbeeyey Traore ayaa ku dhaqaaqay dhowr arrin oo kala duwan oo ku cusub dalka Burkina Faso, kuwaasoo intooda badan dhaliyay hadal hayn gudaha ah iyo falanqeyn dibadda, waxana horay uu u sameeyay tallaabooyin ka careysiiyay Dalalka Reer Galbeedka.
Madaxweynaha dalka Burkina Faso ayaa u sheegay Wasiirrada dalkaas inay wajihi doonaan laba sano oo xabsi ah Wasiirkii lagu helo $1 oo xatooyo ah.
Madaxweyne Traore ayaa aad uga digay wasiirrada inay isda bamariyaan lacagta shacabka, wuxuuna go’aan ku gaaray inuu si adag u ciqaabi doono wasiir kasta oo lagu helo musuqmaasuq.
Madaxweynuhu wuxuu u sheegay Wasiirrada inaan loo oggoleyn akoonno dalka dibaddiisa ah, isla markaana si joogto ah loo baari doono akoonnada ay hadda leeyihiin.
Wasiir kasta ayaa madaxweynuhu ku wargeliyey inuu sheego hantidiisa gaarka ah si wixii dheeri noqda wax looga weydiiyo.