Xubin ka tirsan guddiga xiriirka dibadda iyo difaaca ee baarlamaanka Israa’iil, Ohad Tal, ayaa ugu baaqay Netanyahu in aan wax tanaasul ah loo sameyn Turkiga oo saldhig ciidan ka samaysanaya Suuriya.
Sidoo kale xubintan ayaa ku nuux-nuuxsaday in Israa’iil looga baahan yahay inay ka ilaaliso Turkiga inuu saldhig ka sameysto Suuriya, isagoo sidoo kale u soo jeediyay Netanyahu inuu xoojiyo xulafada uu la leeyahay Giriiga iyo Qubrus, oo uu helo taageerada Mareykanka ee ka dhanka ah Ankara,
Ohad Tal ayaa tilmaamay in Turkiga uu yahay dawlad cadow ah, isla markaana ay waajib tahay in si deg-deg ah loo xiro safaaradda Turkiga Israa’iil.
