Heyada Gargaarka ee Qaramada Midoobay u qaabilsan Qaxootiga Falastiin (UNRWA) oo ah hay’adda gargaarka ugu weyn ee Gaza ayaa sheegtay iney joojineyso howlaheeda bariga dhexe wixii ka dambeeya bishan Febraabyo
Talaabadan ayaa timid ka dib markii ku dhawaad 20 dowladood ay hakiyeen $440 milyan oo ay ku bixinayeen maalgelinta Hay’addaas
“Haddii maalgelinta la hakiyo, waxay u badan tahay in nalagu qasbi doono in aan xirno hawlaheenna dhammaadka Febraayo ma aha oo kaliya Gaza laakiin sidoo kale gobolka oo dhan.” ayuu yiri Guddoomiyaha UNRWA Philippe Lazzarini.
Heyadda UNRWA marka laga yimaado Gaza waxay sidoo kale caawisaa qaxootiga Falastiiniyiinta ee qaybaha kale ee Bariga Dhexe.
Tallaabada looga joojiyey heyaddan ayaa timid ka dib markii Israel ay ku eedeysay in 12 ka mid ah shaqaalaha heyadaas oo gaaraya 13 kun ay ka qeyb qaateen weerarkii Xamaas ku qaaday Israel 7dii OKtoobar taasoo illaa hadda aan cadeyn loo heynin.