Sudan Oo Q/Midoobay ka Hor-sheegtay in Weerarkii Port Sudan UAE ku Qaaday Diyaarada MQ-Reaper

Safiirka Suudaan u fadhiya Qaramada Midoobay, al-Harith Idris ayaa maanta ku eedeyay Imaaraadka Carabta inuu fuliyay weerarkii 4 bishan May , lagu qaaday magaalada Port Sudan oo ah xarunta ku-meelgaarka ah ee milatariga Suudaan, markaa oo uu tilmaamay Imaaraadka inuu weerarkan uga aargoosanayay 13 xubnood oo ay ku jiraan kuwa u dhashay Imaaraadka Carabta oo lagu dilay 3 bishan May.

Weerar ay ciidanka Suudaan ku qaadeen magaalada Nyala , ee gobolka Darfuur, iyadoo inta uu weerarka socday lagu qarxiyay diyaarad Imaaraadku soo diray oo saanad milatari u siday kooxda RSF.

Imaaraadka , wuxuu mar kasta diidaa inuu ku lug leeyahay dagaalka Suudaan, halka milatariga Suudaan ay si joogta ah ugu eedeeyaan Abu Dhabi inay taageerto kooxda RSF, balse hadda waa markii u horreysay oo Suudaan ay ku eedeysay Imaaraadka Carabta inuu weerar toos ah ka fuliyeen gudaha Suudaan, kaasoo burbur gaarsiiyay; dekedda, garoonka diyaaradaha iyo saldhigyo milatari oo ku yaalla magaalada Port Sudan.